足總盃季軍戰爆發入球Show!未能染指甲組前三的名門世家加義大打爭氣波,半場與士砵亭賽和1比1下,換邊後狂轟五球,大落後的士砵亭發揮遲來的勇勁,追至3比6完場,總算輸得好睇。
名門世家加義嚴啟生(左)禁區外放冷箭
下半場搏拳
上周在甲組爭冠失利的士砵亭轉戰足總盃,遇上一心挽回面子的名門世家加義,十九分鐘再度受到打擊,被卡路士率先射破大門,雖然費蘭迪斯卅四分鐘扳平完半場,但換邊後正式迎來惡夢,多次走甩加義兩翼,由六十一分鐘開始,十七分鐘內連失四球,嚴啟生、泰保、比圖及李敬斌各建一功,落後1比5。
今仗梅開二度的李敬斌(左)亦交出靚助攻,造就森姆爾建功。
不過加義的後防末段同樣不集中,八十三分鐘被祖連奴、施薩三分鐘後再追一球,惜為時已晚,加義李敬斌補時階段射入個人今仗第二球,埋齋成6比3,捧走季軍獎盃。