近排凍凍地,澳門人有種打邊爐文化,天時冷打邊爐係一件必然既事,因為可以一大班人圍埋開開心心食野,有D朋友反而喜歡細細個爐三五知己開支啤酒食下特色煲仔菜。
當中,羊係一個重要既元素。因食左羊可以有驅寒作用,所以好多人一講就會話去食羊腩煲,今次介紹既就係細細煲又好食既羊腩。
超記(老炆)
地址: 營地街市3樓熟食檔
營業時間: 12:00 – 14:00
枝竹羊肉 MOP$40
呢度最少要叫兩碗先開爐,大家可以叫唔同既主食,總之要叫兩碗先有得食。呢個羊係我食過澳門最正的,無膻味,好稔又有咬口,特別既羊肉汁,加埋靚枝竹,真係回味無窮。
雙冬紅燒乳豬 MOP$50
香爽既冬筍,軟滑既冬菇,加埋香稔乳豬,絕對最強。
炆骨 MOP$40
開頭以為只有骨,其後發現有好多類似豬手既肉,真係好稔好滑,食過真係即想番尋味。
雞腸,MOP$10-$15
軟滑香甜,打邊爐邊備配料。
蘿蔔 MOP$10-$15
清甜無渣,加上煲仔內既汁,真係食幾多都唔夠。
生菜 MOP$10-$15
打邊爐必備菜款,新鮮爽脆。
西洋菜 MOP$10-$15
打邊爐必備菜款之二,條條清脆,唔食走寶。
腐乳辣椒醬
加埋尼個特製辣椒醬,可令味道提升至最高境界。
超記食物款式不多,但樣樣佳精,食完會非常有滿足感,配埋啤酒,真是人生一大快事。最後提提大家記得早D去霸位,因為通常點半後好快賣晒就無得食架啦。今期又講住咁多先,下期再見。
如果大家想同我分享美食. 可電郵或到手機看食物的facebook專頁
facebook專頁:在facebook內搜尋 “手機看食物”
AC