英超落幕，經過380場比賽，經歷24次聯賽榜首變化，超過1000個入球，其中48個烏龍球，當中利物浦後防史克迪爾已經包辦4球，有苦有樂，利物浦亦平了球隊在英超史上排名，而修咸頓同樣平了球隊英超排名，而水晶宮及史篤城更擦新隊伍排名。

    今屆英超開季早期已經有12主教練被辭退，新特蘭的迪肯尼奧是最早，水晶宮成績太差，被視為降班膽，佩利斯來到，救了水晶宮一命，為今季最成功的換帥。去年12月份富咸、西布朗、熱刺、卡迪夫城紛紛換帥，史雲斯的勞特立被解僱，還有諾域治曉頓及曼聯莫耶斯。賽季結束之後，熱刺又將舒活解僱。整個賽季，英超換帥，其中富咸和西布朗均是兩次，英超今賽季換帥幅度接近50%。

    今季摩連奴回歸，除了引起不少口水戰外，車路士打法並不引人入勝，柏歷連尼初來英超，憑著超強球隊實力，2分之差距似乎未能反映球隊實力，羅渣士及馬天尼斯由中小型球會向上抽挑戰，成績不俗；至於阿仙奴雲格，球迷如果對他沒有期望，當然亦不會有失望⋯⋯

    最可悲的至少可數出三四個，熱刺的舒活看到舊式領隊及EQ不達標的實例，卡迪夫城麥基的遭遇，明顯說明大家打工真的要帶眼識老細，當然不可不提曼聯莫耶斯，世上最筍份工係遊山玩水兼有錢收，最慘份工係接一位超級成功的阿Sir退休後的空位，至於保亞斯，一而再的證明英超不屬於他，又或者他不屬於英超吧！

   穩穩陣陣的樸治天奴季尾未完，已經有幾隊可能成為下一站，又一成功例子，韋斯咸大Sam話炒又唔炒，又有排玩了，玩得最過癮當屬曉士，高Q大棍史篤城，居然夠膽玩森巴，各位青年人注意，做錯事人人都會有，最緊要學曉夫子（曉士），臨崖勒馬打番高波衝他死，最後安然又一季。

   教練究竟是英超一個主角或配角？不知道！只知英超需要的教練，就不是⋯⋯特別的一個。

   足球評述員 許永灝

   (逢周六刊出)