熱潮暗號350

發佈日期:2017/06/28

   真係賤物鬥窮人,對上兩三個月,幾乎隔一陣全城嘅運動用品店就打大折,加上越來越多品牌折扣店同工廠店開在旅遊區,好多過季靚款三四折都搵到,咁買下買下,結果成份糧好似俾咗啲品牌咁。

    做清貨嘅,其實大多數都係NIKE、Adidas居多,四件做六折、七折,經常都可以搵到平衫平褲平鞋,用過正價買嘅人當然肉痛,忍得到等到打折的時候先落手,尋到寶自然開心。不過,咁樣清貨法係個惡性循環,時間長咗係會減低消費者平日的消費意欲。“等下先啦,話唔埋過幾日又做特價。”長此下去,品牌利潤降低,旺丁唔旺財,會直接影響埋設計同研發質量。

    皇朝末路的感覺,為咗維持盈利除咗大量打折散走存貨,就係猛出經典款(你諗下依家一年出幾多對AJ11相關款)消費老鞋迷的情懷。

 kobe_jordan_nba.jpg

屬於他們各自的黃金年代,今天都要結束了嗎?不過Jordan鞋其實依然很好賣,只是沒有那麼旺而已。

    依家消費者對AJ或者NIKE特別版已經理性好多,高比退役後連簽名鞋都跌價。最近幾個奇奇怪怪的AJ套裝都冇人搶,好似我地呢啲80後,AJ忍得住手,Air Max 97、大AIRMore Uptempo之類見到又忍唔住手,但你一個月出成幾對,要幫襯都真係愛莫能助。長此下去連經典款都做爛市,等到連Crossover聯乘都令人生厭,好難想像我追隨多年品牌的未來。

air-jordan-dmp-pack-897563-900-group-3.jpg

DMP套裝(Defining Moments Pack)曾經係非常珍貴同高端收藏品類,呢套米高佐敦最後一個冠軍果年着的兩對鞋DMP套裝,市場反應卻超低於預期。好多人都話,品牌唔可以再咁樣消費老鞋迷,不斷翻來覆去講以前的故事。 

    好現實例子係,上星期Adidas Yeezy Boost 350 V2 Zebra同期補貨,各地分銷零售又抽籤又做活動,現場熱鬧不在話下,睇到網上個個洗版報喜報憂抽中抽唔中都講一輪,明顯係關注度好高,同期其他裝備完全冇呢個待遇。就呢一點你就知道,呢一排乜嘢賣得好,乜嘢有價有市,知道新一代鍾意着乜鞋啦。

share-image.jpg

    by 陸奧雷