今日推介兩支奪冠熱門畀大家，首先係C組的法國，對手係“袋鼠幫”澳洲，雙方實力明顯有一定差距。

    法國鋒線有基士文、麥巴比及迪比利，無論入球觸覺與速度爆炸力，都極具威脅性，對住轉身靈活性較慢的澳洲防線，肯定有所斬獲。澳洲踢法比較英式化，高Q大棍，欠缺組織能力，原因球員技術質素一般，前鋒線極可能仲要靠39歲的卡希爾，要爆冷都難。

    阿根廷在D組係出線熱門，但克羅地亞與尼日利亞亦有一定抗衡力。阿根廷首戰對冰島實在不容有失，幸好前線殺傷力有保證，除美斯外，仲有阿古路、希古恩及迪巴拿，有十足贏波本錢。至於冰島，雖“臣”多個妖，可惜大賽經驗有限，對住攻力強勁的阿根廷，衹能大打守勢足球，問題係：久守必失。

    推選：法國勝3:0  阿根廷勝3:1