巴西今晚做大“哥”

發佈日期:2018/06/22

   今屆決賽周可以話連場爆冷,多支熱門球隊皆有失分,至於強弱對壘,都只係一球上落。阿Ben綜合三個因素可能性:一、強隊在分組賽階段先保留實力,球員體能唔會去得太盡,避免傷病之餘,始終到十六強淘汰賽一場過仲要搏殺。二、球隊戰術、陣式及必殺技倆冇必要咁快見光,隱藏策略係強隊戰略性部署。三、其實“走線”都係因素之一,正如巴西睇住德國,雙方都唔想在十六強硬拼。當然,德國輸波係意外中意外。所以要睇到各支強隊真正威力,睇怕都要去到十六強。

BrazilTrio.jpg

    至於巴西今晚又再出擊,對手係哥斯達尼加,呢三分“森巴兵團”非要全取不可,問題係能否大勝一場。巴西上場對瑞士,射門欲極強,全場20次攻門,可惜就只得四次中框,只要今仗能夠把握埋門一腳,至少兩球收兵。

IMG_1964.JPG

    至於上場輸波的哥斯達尼加,對塞爾維亞一戰表現其實不錯,從各項數據都係與塞爾維亞拉成均勢,祇不過實在去得太盡,加上整體實力確與巴西有差距,今硬撼巴西,恐怕難逃大敗。

    推介:巴西3 :0