兩支奪冠大熱德國與巴西在第二輪分組賽，齊齊玩嘢玩到尾，驚濤駭浪下，都係在補時先贏波，搞到球迷一額汗。不過，兩隊仍未脫離危險期，出線依然有暗湧，巴西仍可穩陣少少，最後一場和波就ok，至於德國就許勝不許和，否則就要睇人“面色”。

    畀個溫馨提示大家，睇兩組走勢，巴西與德國隨時在16強相遇。德國已經冇得選擇，對略韓國非勝不可，巴西隨時和波走“二線”，所以大家不妨計一計數。

    今日推介哥倫比亞對波蘭，哥倫比亞首輪輸比日本，輸在一開波就打少一人，高手過招打少件，的確相當難打。波蘭同樣首輪失利，對住塞內加爾贏勢輸波，雖然攻勢較多，場上形勢亦取得主動，只可惜欠埋門把握一腳。

    今場與哥倫比亞決一生死，阿Ben較為睇好哥倫比亞些少，始終鋒線較有保證，哥倫比亞略勝一籌。

    推介 哥倫比亞 1：0