休息一會明晚再戰

發佈日期:2018/06/29

    決賽周眨下眼十六強全部產生,今晚稍作休息,明晚開始展開一場過肉搏戰,肯定殺得天昏地暗。基本上所謂強隊都能彈出,唯獨是衛冕冠軍的“日爾“慢”戰車”德國爆大冷出局,令球迷大跌眼鏡。

IMG_1964.JPG

    從分組賽各支球隊表現所見,暫時都冇邊隊較為突出最具冠軍相,但經過三場“熱身”後,相信各隊發揮應該會更為理想。阿Ben目前最睇好係克羅地亞,唔單止三場全勝咁簡單,球隊前中後三線相當平均,防守到位兼夠硬淨,中場創造力十足,鋒線亦具入波本錢,最重要係整隊戰意及團隊精神極具決心。

    至於頂頭大熱的五星巴西,分組賽似乎仲未見底,依然係阿Ben心目中首選。黑馬哥倫比亞不容忽視,至於西班牙、葡萄牙、法國及阿根廷雖在分組賽表現未如理想,但去到十六強又可能踢到龍飛鳳舞,總之淘汰賽場場都係戲肉,分分鐘爆冷賽果隨時再出現。


相關新聞