今屆世界盃只剩法、比、英、克，四支歐洲球隊爭奪王者之位。98年世界盃冠軍法國成為了頂頭大熱，睇返分組賽至八強，法國表現的確相當平穩，前中後三線確比其他三強較為平均，成為大熱理所當然。不過，今場對手比利時越戰越勇，實際上比利時唔會差得過法國好多，且今屆世界盃特點係“熱個對，“香”個隊”。

    至於英格蘭對克羅地亞，阿Ben曾經提過，英格蘭在進攻方面，中場組織支援力度不足，講技術性與創造力，克羅地亞一個摩特歷，已經可以掃低英軍中場，再加埋拿傑迪，英格蘭明顯輸中場。

    又不過，四強對碰，似乎已經冇乜技術性可言，何況今屆世界盃入球中，接近八成係死球入波。總結就係，呢四隊無論邊隊對邊隊對決，睇怕都要“天命”，最緊要講“運氣”。