克羅地亞攻守兼備可睇好

發佈日期:2018/07/11

   法國憑著大賽經驗,以穩中求勝策略,最終在法定時間內解決比利時,率先殺入決賽,的確贏得合理。無論對手係英格蘭或克羅地亞,相信大部分球迷會較為睇好“高盧雄雞”,當然,波係圓,到時王者之戰都要打過先知。

IMG_1964.JPG

    明晨輪到英格蘭火拼克羅地亞,阿Ben依然一心不二捧克羅地亞,因克軍中前場創造力及攻擊力較強。相反,英格蘭不單止戰術單調,且進攻端單靠死球及高空戰術,埋門瓣數唔多,而克羅地亞防守制空力唔差,英格蘭未必能夠取得較多優勢。

    問題係克羅地亞在十六強及八強都要踢足120分鐘,體能消耗唔多唔少都受到影響,加上兩隊以往對賽,克羅地亞都處於劣勢,無疑加強英格蘭爭勝信心。基本上都屬於一場勢均力敵之戰,九十分鐘內和波機會相當高。只希望最後結果,克羅地亞能殺入決賽。


相關新聞