捧比利時奪季軍

發佈日期:2018/07/14

   世界盃季軍戰今晚十點開波,比利時再戰英格蘭,兩隊曾在分組賽交手,結果比利時一球小勝,雙方當時派出大部份副選上陣,場上形勢相差唔大,但今仗屬季軍之戰,兩隊都希望以最佳成績結束今屆世界盃之旅,相信會排出最強人腳應戰。

IMG_3106.JPG

    從球隊陣容結構上,比利時較為完整,尤其中前場進攻能力,夏薩特、迪布尼及盧卡古在英超可以踢到“也文也武”,今次對住呢班英軍防線,信心都加大兩倍。

    英格蘭被克羅地亞反勝,全場只靠一個死球入波,亦係唯一一次中目標射門,反映出英格蘭入球板斧有幾多?防守方面,獲加與馬古尼未夠班不單止,仲係計時炸彈,係防線中危險地帶。英格蘭不敵克羅地亞屬於被技術性擊倒,而比利時敗於法國腳下,確有點心有不甘,一於當比利時奪得季軍。