世界盃王者之戰今晚11點開打，法國火拼克羅地亞。自德國、西班牙、葡萄牙及巴西先後被淘汰後，法國已成為頂頭大熱，由分組賽至決賽，法國表現的確最為穩定，且每場比賽都能發揮出極高水準，加上對手克羅地亞連續三場打足120分鐘，法國又休息多一日，體能上已佔了較大優勢，今戰無疑被睇高一線。

    不過，阿Ben依然撐硬“格仔兵團”，在分組賽3:0擊敗阿根廷開始，克羅地亞踢法令阿Ben刮目相看，屬於技術加組織型球隊，甚有強隊風範。更值得一讚係球隊充滿鬥心，三場淘汰賽都在落後情況下，全力反撲對手，最終沉著應戰過關，可以話戰到最後一刻，相信法國亦唔會睇低“格仔兵”。

    無論如何，一場過決勝，希望克羅地亞繼續踢出無限戰意，與法國硬拼到底，合演一場精彩對決，並祝願克羅地亞能夠首奪世界盃冠軍。