F組絕對係死亡之組，德國，法國及葡萄牙三支歐洲冠軍級球隊炒埋一碟，簡直好睇過戲。

阿Ben有個陰謀論，保證三隊齊齊可以進入16強，衹要三支球隊對碰“以和為貴”，再搵匈牙利“開刀”，正所謂“三國聯軍，齊齊5分，出線大家開心”。

呢個“陰謀論”只係阿Ben講下笑，調劑下嗻。相信三支強隊，都會使出真功夫，顯示出真正強者風範。

如果先要揀出兩支出線心水，第一首選德國，唔單止最具冠軍相，而且三場分組賽都在慕尼黑上演，簡直佔盡優勢。法國與葡萄牙之間又點揀？唔使諗梗係揀葡萄牙，第一，我有半個國籍，第二，都有唔少葡萄牙的“阿咪古”，第三係重點，小弟鍾意C朗多過賓森馬囉。

最後，阿Ben並非歧視匈牙利，只係實力所限，只望三場比賽，將傷亡數字減到最低。

好大程度上，三支強隊會計得失球。

F組預測出線

德國+葡萄牙