當我寫完上一期諗緊下一期寫咩之際,就得知有一間由香港開過黎澳門且頗具特色的甜品店新開張,本人其實都幾喜愛甜品的,在充滿好奇心的驅使下即時去試,但人流實在太多,當日無辦法一試,所以在第二天下午7時再去碰碰運氣,見人不多,心想終於可以試試了。
入內一看,裝修十分特別,充滿舊年代的佈置風格,其中有幾個房間是坐日式“榻榻米”,雖然心知會坐得比較辛苦,但咁有特色,梗係要試下。其中的舊式電視、收音機、風扇、日曆等擺設都令我留下深刻的印象。其他野都係唔好講咁多,介紹番應該介紹的特色甜品先。
瀰月屋
地址:沙嘉都喇街沙嘉都喇街28號地下
營業時間:19:00–24:00
電話:試業中
抹茶流心餅:MOP46
這個同心太軟同一原理,外層餅夠鬆,內面的流心溫度適中又夠滑,口感確實一流。
葛軟糍–草莓(夏日限定):MOP48
呢個軟?質感十分煙韌,彈牙度十足,而且仲帶住清甜的草莓味,再加上抹茶粉,層次感非常。
迷你鯛魚燒:MOP45
呢類型燒餅最怕又硬又乾,但呢個出品完全無呢種感覺,加埋入面既軟滑紅豆蓉,實在出色。
赤玉丸(夏日限定):MOP58
一放上?已經夠睇頭,原個西瓜仔,裡面有西瓜球加西瓜味和?子,新鮮好食。
清閑玉:MOP48
呢個外型像波子,其實係將生果放入和?子內,造型十分精緻。
虹之冰流:MOP43
呢個就是將唔同既味同顏色混入條狀的和?子內,做成彩虹形態,未食都已經覺得是一藝術創作。
元氣酵乳(巨峰):MOP38
呢樽濃厚既乳酸產品再加上巨峰既味道,飲一啖,便知係好野!
瀰月屋比我的印象係裝修獨特,食物顏色美艷奪目又有家的溫暖,真係澳門少見,希望澳門可以多一些此類型既食店,實在是廣大市民的福氣。其實瀰月屋還有很多不同種類既食物,有待讀者們去發掘,今期又講住咁多先,下期再見。
如果大家想同我分享美食,可電郵或到手機看食物的facebook專頁。
電郵:mobileseefood@gmail.com
facebook專頁:在facebook內搜尋 手機看食物
AC (逢周四刊出)