地圖，有！指南針，係指北針先啱，都有！相信大家平時極少、甚至從未試過用到“求生孖寶”喺澳門街走來走去。周日(25日)有超過300人組成共120支隊伍，參加由澳門定向總會與中國澳門體育暨奧林匹克委員會合辦的“和諧共融樂居澳門”城市定向挑戰賽，不少參加者在完成比賽後都大讚好玩，坦言下次有類似活動一定會再報名。
三百多人齊齊起步，向目標出發。
咁好玩，梗係Like爆啦！
團體合作在定向裏好重要架
吸引百二隊參賽
城市定向挑戰賽是定向總會首度在澳舉辦的大型賽事，吸引350人參與，年紀最少的只有八歲，最大的六十八歲，證明老少咸宜，重點係以最快速、最合理的路線完成所有站點。是次比賽設有三個組別，早上九時齊齊出發，接近兩小時尋尋覓覓後，過百支參賽隊伍先後返回設於教業中學的終點。經大會統計時間及分數後，親子組由“終極一家”奪得冠軍，“很熱的香腸”勇奪團體組冠軍，同善堂A贏得學生組冠軍。
很熱的香腸自言勝在賽前分工清晰，最終奪得團體組冠軍。
親子組得獎者
參賽者：完成爽爆
在這次大規模定向活動中，有不少人都是首次參加的“新鮮人”，像花名“金魚”的張小姐就大讚定向“超正”︰“一直都想試吓玩定向，參加過後雖覺得好攰同超級曬，但真係好正。我們這組雖只有兩個人參與，有一個冇來到，但既然參加得，明知無法攞獎都會盡力完成。”對金魚來說，定向最好玩之處在於寓玩於學︰“參加定向可學習地圖同指北針的用法，還有就是感受努力與同伴一齊完成的感覺。”
張小姐(左)與隊友志在參與
家長：有助規劃人生
這次定向活動亦設家庭組別，讓大人及小朋友齊齊組隊闖關。與媽媽一起完成所有目標地點的小朋友Mike大談活學活用的道理︰“定向真係好好玩，不斷跑來跑去同人鬥搵地點。地圖本身在學校地理課就學過，指北針就是在賽前的講座學識，如果唔係有呢方面知識，肯定搵錯路。”Mike的媽媽更指定向能啟發小孩規劃人生︰“定向講求路線規劃，規劃得好就能更快、更順利走完所有地點，其實同人生一樣，都要有事前規劃。”
Mike與媽媽在定向賽中享受親子樂
賴百齡總結成效理想
定總會長賴百齡表示，首次在澳門舉辦如此大型的城市定向賽，成效超出預期理想，氣氛非常好，未來會繼續舉辦賽事，並對定向運動在澳發展充滿信心，希望下次能夠突破兩百隊參與。他認為定向運動除有益身心外，過程中更令參賽者學會團結合作，選定路線就像人生規劃，並向著目標勇往直前，對青少年成長有著正面影響。
賴百齡向得獎者頒發獎金
一班工作人員功不可抹
忙著搵地點都要畀個“Yeah”
找到站點指標旗當然嗱嗱聲拍卡
睇清楚下一個站點點去先.....
雖然趕，但亂過馬路就唔好！下次記得安全至上。
