甲足周日完成新賽季首輪比賽，賓菲加延續上屆三冠王勢頭，憑藉上、下半場早段的入球，以2比1擊敗一度追平的名門世家加義，全取三分踏出衛冕第一步。鄒北記遇上新升班的雀聯未有腳下留情，慨贈對手六隻光蛋，暫坐榜首。

威廉自編自導十二碼

應屆冠軍賓菲加與昔日盟主名門世家加義碰頭，成為首輪的超級戲碼，開賽三分鐘即有入波向球迷交代；賓菲加前鋒威廉殺入禁區博到十二碼，親自操刀雖被門將擋出，仍可補中先開記錄。早早領先下，賓菲加更集中防守，半場保持一球優勢；不過換邊後八分鐘出現漏洞，加義比圖射門被救，般奴補射又撻Q，阿蘇把握門前一輪混戰抽入，追成1比1平手。

威廉今仗為加義後防造成不少威脅。

賓菲加法比斯奧(右)與對手爭波，爭到好似跳舞咁搞笑。

鄧浩輝後備上陣奠勝

賓菲加今仗起用陳敏、李子健及鄧浩輝三名“土炮＂，當中後備入替的“輝仔＂更成為贏波英雄，上陣五分鐘即接應法比斯奧禁區內橫傳，攻入致勝一球，助賓菲加最終以2比1擊敗名門世家加義，收穫三分打響新季頭炮。

鄧浩輝首度為賓菲加上陣即有建樹

鄒北記狂灌雀聯六蛋

上季踢出驚喜的鄒北記同樣有好開局，向甲組經驗尚淺的雀聯大開殺戒，費基里度廿三分鐘射入靚罰球打破缺口，梁德威三分鐘後射成2比0，並於卅二分鐘再下一城，個人梅開二度；左閘朗奴卅九分鐘後上頭槌建功，助鄒北記半場遙遙領先四球。下半場依然是鄒北記控制大局，費基里度及迪亞高各入一粒，6比0大炒雀聯。得失球佔盡優勢的鄒北記暫坐榜首，力壓同積三分的賓菲加及蒙地卡羅。

朗奴(藍衫2號)後上頂入鄒北記第四球

雀聯初試啼聲

澳門隊總教練譚又新現場觀戰，為代表隊大名單揀卒。