衛冕高級組銀牌的福建在三強單循環決賽先過頭關！周三晚在澳門運動場室內館粉碎耀陽的挑戰夢，全體球員得分下大勝88比52，與冠軍又近一步，只要下仗擊敗郵青的話即可實現銀牌兩連霸。隊長梁志成表示：“今仗贏了有利提升信心，我們會保持氣勢，最重要是打場好波畀觀眾睇。”

蘇栢林(中)人叢中交靚波

全隊十人得分

賽前講明會全力與一併的耀陽，開局立即展示挑戰者的決心，最近轉變個人打法的中鋒黎家棟連續兩記三分得手，助球隊打出一波6比0攻勢先聲奪人。不過福建貴 為高級組班霸又點會咁易被嚇窒，暫停調整後迅速入局，一輪“招牌式”穩守快攻後，首節尚餘兩分半鐘已完成反超前任務，並一直擴大領先優勢；第二節單節打出 24比9，最後一節更狂轟28分，全隊十人均有落場兼得分，倒戈雙將羅協銘得十一分，袁錦志十四分，聯手大破耀陽卅六分。

耀陽吳加慶(右)放高籃得手

馮諱明上籃，豈料倒戈的羅協銘黃雀在後

阿成鼓勵新兵

攻入十四分的福建隊長梁志成賽後表示：“畢竟好耐冇比賽，全隊開賽都有少少緊張，不過去到第一節中段漸漸進入狀態，今仗每位球員都有落場，而且都有得分， 其實我們在防守上和戰術上都做得唔錯。”阿成更大讚生力軍的演出：“高手、肥志、肥誠、焯華等一班年青球員都表現幾好，希望他們能夠慢慢接手帶領起球 隊。”

福建陳焯華(中)攻守同樣落力

耀陽信心未失

大敗的耀陽失去爭標先機，隊長黎家棟指出輸得比預期“金”：“自己在用波和處理上都太急進，隊友交波就投籃，令戰術執行上有點自亂陣腳，而且一些新球員欠 缺經驗，在決賽面對福建難免影響發揮。正常的話，就算輸都係應該輸十幾分左右。”不過今仗射入全場最高廿三分的“姚明”表示，不會放棄衝擊亞軍的目標： “下仗會繼續挑戰郵青，目標依然是坐季望亞。”

黎家棟射三分，蘇栢龍盡人事擋路。