足總盃周五晚在科大球場上演兩場十六強賽事，甲組球隊蒙地卡羅與基聯齊齊開炮，各自向丙組的通吃及鴻毅派蛋，攜手闖入八強。

蒙卡今仗平均每八分鐘就慶祝一次入球

十一球餵飽通吃

    蒙地卡羅乘上周在聯賽擊敗賓菲加之勢，出戰足總盃十六強遇上實力低兩班旳通吃，依然保留何文輝、鄭正揚等主力在陣，全程佔得壓倒性優勢，幾名外援亦交足功課，尼圖十二分鐘揭開大勝序幕，並於四十和五十二分鐘完成帽子戲法；於廿三、三十二和八十五分鐘取得入球的卡維臣亦連中三元，加上鍾偉健、靴蘭迪斯各建一功、黃志順梅開二度，以及張鎮鑣完場前兩分鐘埋齋，最終以11比0怒炒通吃，晉級八強。

蒙卡卡維臣(左)大演帽子戲法

閃電入球殺鴻毅

    另一支甲組球隊基聯同樣輕鬆過關，受惠於鴻毅拖泥帶水的解圍表現，茹海嘉開賽未夠一分鐘已取得入球，閃電領先1比0。十五分鐘後，施薩為球隊再下一城；阿歷山大三分鐘後趁鴻毅防線大亂，門前射成3比0；茹海嘉三十四分鐘為基聯進一步擴大比分，半場遙遙領先四球。鴻毅換邊後嘗試製造反擊機會，無奈埋門一腳未有好好把握，基聯藉阿歷山大射入個人第二球，奠定5比0勝局，預留八強席位。

在邊路表現活躍的茹海嘉(右)入兩粒，助基聯躋身八強。