衛冕冠軍的德國在F組一枝獨秀，雖然瑞典、韓國及墨西哥亦非“二打六”球隊，但“日爾曼軍團”整體實力、球員級數及戰略性部署，都高出三支對手，出線毫無疑問。

    其餘三隊實力唔會相差太遠，較為睇好墨西哥有機會晉級16強，因墨西哥前線火力較有保證，靴南迪斯、魯爾占美利斯及卡路士韋拿都有入球能力，分組賽最後一場對瑞典極可能為生死戰。

    G組強弱分明，英格蘭與比利時應可攜手出線，只屬頭次名之爭。突尼斯都有一定爆冷條件，但機會稍微，或會影響英格蘭與比利時爭頭位。首次殺入世界盃決賽週的巴拿馬，在32強中係奪冠第一大冷門，今次參與志在“學嘢”。
    H組哥倫比亞屬於“鐵膽”，波蘭與塞內加爾兩隊衹能活一隊，但睇好“黑色力量”塞內加爾，實力相若，體能勝於一切。唔揀日本，因阿Ben唔中意安倍。