德國輸波，巴西一於拍住上，跟住同樣失分，阿Ben又有故講。

    唔係馬後炮，當德國爆冷輸畀墨西哥後，阿Ben都知道巴西有保留，事關16強編排，E組首名對F組次名，F組首名又要對E組次名，即係話，避免十六強碰頭，雙方都要首名出線或齊齊次名出線，心水清的波友應該明白啦，所以巴西失分事有蹺蹊。

    至於今日心水推介，係哥倫比亞對日本。哥倫比亞係阿Ben最鍾意球隊之一，雖然並非奪冠大熱，但絕對屬黑馬份子，撇開占士洛迪古斯、卡路士巴卡及法卡奧等球星，球隊整體位置相當平均，且踢法非常實際，屬於典型南美技術派球隊。

    日本在亞洲可以稱王稱霸，但在世界盃舞臺，對住歐洲或南美勁旅，始終稍遜一籌。講球隊結構，體能上比較，及組織性配合，日本始終不及哥倫比亞，今場難有發圍。

    推介：哥倫比亞 2:0