今屆世界盃終於圓滿結束，首先恭喜法國隊繼98年後，再次成為世界冠軍。王者之戰法國以4:2擊敗克羅地亞，雖然憑住對手烏龍波先開記錄，但穩中求勝策略，加上整體平均質素，勝利都算合情合理。

    克羅地亞雖然未能如願以償首次捧起世界盃，但相信已經得到廣大球迷認同，冠軍始終得一個，只好無奈接受，但肯定在克羅地亞國民心目中，呢班球員已經係冠軍，特別係陣中隊長摩特歷，奪得世界盃金球獎，實在值得恭賀。

    同樣都要恭喜夏利卡尼，以六個入球成為今屆神射手，雖則有三個十二碼，一個“符碌”腳踭入波，但總算為英格蘭攞返些少榮譽。最佳守門員由比利時的高圖爾斯成為金手套，與麥巴比奪得最佳年輕球員，可謂實至名歸。

    2018俄羅斯世界盃曲終人散，阿Ben再一次多謝各位波友，支持澳門體育頻道“阿Ben同你講世界盃”呢個環節，多謝。