歐國盃今晚早埸上演D組賽事,由蘇格蘭對捷克,如果睇近三戰對賽成績,蘇格蘭三戰三勝,加上今仗又有主場之地,理論上至少有和冇輸,但如果講到雙方實力,實際上不相伯仲。
蘇格蘭一如既往以傳統英式踢法為主,高Q大棍,長傳急攻,簡單就係直接,不過現今足球講求埸上控制能力,所以平均個人技術亦係重要一環,睇返蘇格蘭球員名單中,三個字“搵唔到”。捷克雖然只屬於歐洲二三線球隊,但踢法有一定效率性,雖然以往前三場都輸過畀蘇格蘭,但唔代表整體實力低於對手,往績只係一個歷史參考,否則,蘇格蘭今仗雖有天時地利人和之利,但“大圍”都只係開出初盤平手,可想而知蘇格蘭勝算有幾多?
首先講數糊能力,其實兩隊攻擊力屬於有限公司,除非兩隊都採取開放式打法,否則想睇入波都難,所以首先推介兩隊入球唔多。
如果必要揀一隊贏波,我會揀捷克,始終整體踢法紀律性較强,而且個人技術質數與控球能力,甚至體能方面都絕對不在蘇格蘭之下,平手盤我揀捷克。