【阿Ben說歐】小心英國走“捷”徑

發佈日期:2021/06/22


D組目前榜首排位,1.捷克2.英格蘭,兩隊同得四分,即係話今晚兩隊碰頭只要和局就可以雙雙出線,唔使問阿我老友“阿貴”都知今場乜嘢結果,九成九九都係“默契波”,各得一分雙贏。

英格蘭更加唔想贏,因為贏波首名出線就要對住F組次名,德國,法國或者葡萄牙三隊其中一隊,“英國佬”一定避線走遠D。

捷克處於被動冇得揀,除非完場前“自殺式”擺烏龍,否則“一哥”個位坐硬。所以今場雙方的實力,阿Ben毋須多分析。初盤英格蘭仲要讓波,相信心水清的球迷都知點揀。