歐國盃16強經已全部產生，進入淘汰賽階段場場戲肉。最受矚目應該係德國遇上英格蘭，相信當今世上兩隊都係最多擁躉球隊。澳門最多“粉絲”的葡萄牙再受考驗，將會與世界排名第一的比利時爭入八強，呢兩場大戰肯定又破最高收視紀錄。講到勢均力敵之戰，克羅地亞對西班牙可以話屬於一場技術性較量，克羅地亞有力發圍。分組賽霸氣十足的意大利對奧地利，料可輕鬆過關，不過，八強遇上葡萄牙與比利時勝方，才係最大考驗。

大熱之一的法國迎戰瑞士，所受挑戰應該唔大。

荷蘭對陣“機動部隊”捷克，將會受到一定威脅，“橙衫軍”可勝而不穩。

瑞典對烏克蘭，丹麥對威爾斯，兩場都屬於實力不相伯仲，而阿Ben較為睇好瑞典與丹麥。