16強繼續上演重榜大戰，英格蘭坐鎮溫布萊球場迎戰德國。

球場上英格蘭與德國有唔少恩恩怨怨，最經典應該1966年世界盃決賽，英格蘭當時同樣在溫布萊球場憑一個問題球領先，最終以4:2擊敗德國捧盃，雖然歷史經已過去，但仇人見面分外眼紅。講返今場英德大戰，兩隊都有唔少後起之秀，講到實而不華，球員個人細緻腳法，整體配合方面，阿Ben認為德國比較平均，特別在組織進攻，無疑比英格蘭更具侵略性。

冇錯，德國對匈牙利一戰的確驚到鼻哥窿冇肉，但反轉嚟講，至少可以畀到德國在防守問題上有個警惕。

英格蘭在分組賽取得兩勝一和紀錄，但三場比賽只得史特寧兩個入球，前線殺傷力明顯不足，欠缺入球能力，贏波機會自然大減。

初盤平手，我揀德國