【阿Ben說歐】英意大戰前瞻

發佈日期:2021/07/09


英格蘭與意大利的王者之戰,將於澳門時間星期一淩晨三點上演,呢場波的確屬於一場半斤八兩之戰,兩隊都各有優勝之處,實力旗鼓相當,勝負將會取決於多方面因素,包括球員心理質素,英格蘭有主場之利,有好有唔好,有更多鄉親父老打氣支持,當然士氣會打高一皮波,但或會造成一定唔輸得的壓力。意大利一樣有到場球迷支持,所以球員心理質素將會影響臨場發揮。

阿Ben反而認為大賽經驗最重要,意大利陣中有唔少球員在國際大賽中身經百戰,而翻查英格蘭目前冇一個球員踢過國家隊大型決賽,呢方面更值得留意。

無論如何相信到時兩隊都會合演一場精彩刺激的王者爭霸,各位波友不妨拭目以待。