今期介紹的是在澳門非常少見的菜色,開頭聽到名字:臭臭鍋,反應都和一般未聽過既人一樣,個名咁怪,會唔會真係臭架,跟住翻查資料,原來係加入港澳都有相似既美食“臭豆腐”打邊爐。
好奇心驅使下去試,原來呢個咁得意既臭臭鍋係由台灣引入,台灣人不單愛吃麻辣火鍋,還愛吃呢類有特別味道既臭臭鍋。細看餐牌,澳門呢間店只有一款係臭臭鍋,其他反而係特色湯底.。唔講咁多,睇下以下有咩食先。
8鍋
地址: 澳門馬交石街102號,南華新村第三座地下E座
營業時間: 18:00 - 0:00
招牌臭臭鍋 MOP$68
特別要講係味道,我覺得食落唔係臭味,係一種特別既味,對本人黎講幾有新鮮感,加埋有大腸、麻辣鴨血等,絕對適合重口味人仕。
牛奶豬肉鍋 MOP$68
如果想清D既湯底,我推介呢個比大家,牛奶夠香滑,加埋大大件豬肉片,真係大滿足。
清膳養生鍋 MOP$68
充滿藥材既味道,腐竹同山藥吸收晒湯既精華,呢個係其中一個不二之選,但要注意係材料有羊肉,不喜愛羊者,慎選。
蕃茄疏菜鍋 MOP$68.
蕃茄加大白菜、金針菜同香菇,適合喜歡大量疏菜人仕食用。
咖哩魚丸鍋 MOP$68
無他,澳門人打邊爐最唔少得既就係辣湯底,這個就非常地道美味。
抹茶千層綿綿冰 MOP$28.
老實講,紅豆不夠稔,抹茶味不夠香,冰既質感不夠滑,只係想飯後一點點甜的感覺。
呢度是食特色風味,一人一鍋,68蚊開心食,材料雖不是什麼上等貨色,但也絕不馬虎,會為食客帶來驚喜。今期又講住咁多先,下期再見。
如果大家想同我分享美食. 可電郵或到手機看食物的facebook專頁
facebook專頁:在facebook內搜尋 “手機看食物”
AC