春夏裝同秋同裝，每年都要講兩次全天候裝備，特別係跟住落嚟又到暑假，去旅行、遠足、攀山涉水在所難免，有多功能裝備跟身，放便啲、輕巧啲、保護性強啲，咁去旅行都開心啲啦。

簡約唔係咁多牌子敢做,因為驚人覺得好似冇Design又睇唔到個品牌名,但其實,你上過身就知,全天候裝備,Cutting真係特別好。

    全天候裝備，或者叫做All Conditions Gear，其實就係一啲令到用家可以輕鬆適應風雪水熱烈日高紫外線山地泥地等等惡劣環境嘅衣服鞋履，以前一般人諗到嘅可能就係防水衫、爬山鞋，但時至今日出產可謂五花百門。

睇返荷蘭園波鞋街，目前幾大戶外品牌都駐曬點，Timberland、Columbia、Northface等等，都值得大家入去望兩眼，特別係打算假期上山落去玩極限運動的朋友，瞭解一下有啲咩裝備可以幫助我地出行，唔少店員都會熱心講解，唔買都學到嘢。

最近注目度好高,單手單腳可以綁緊、防水易清潔的NIKE ACG.07.KMTR。

    個人感受，大部份戶外用裝備唔知點解都設計得比較難睇，顏色方面亦比較礙眼，不過近日新加坡有幾個小朋友喺海灘遇溺，救得翻果個就係因為着件泳衣係搶眼顏色，所以顏色方面其實設計師有考慮過，大家要理解。另外就係價錢比一般運動用品貴，咁亦係因為果啲防水防風面料係特別貴的原因。當然，係咪要貴成咁又係另一個問題。

衫褲睇落水有咩特別,但關鍵係輕身、快乾、透氣易打理,貴係貴在呢D地方,去旅行可以帶少好多野。

    如果想買啲全天候裝備，又想有型少少，咁或者大家可以考慮NIKE的ACG系列，性價比係就係冇咁高，但有時有啲款又真係幾鬼好襯衫。

by 陸奧雷