今次同大家介紹既係日本餐, 係, 無錯, 係好多馬交朋友仔好喜歡的日本餐, 筆者好多朋友都是日本餐的常客, 尤其是女性朋友, 可能係貪佢地精緻得黎又唔會食得太飽, 好多朋友一見刺身同壽司就會流晒口水, 搵食既時候點都耐唔耐就會選擇去食一餐日本野, 但本人覺得澳門好的刺身壽司店其實不多, 以下是其中一間.
棽莜日本料理
地址: 氹仔米也馬嘉禮前地13號喜間小屋
營業時間: 12:00 – 23:00
電話: 28827291
岩蠔 – $168(一隻)
對, 絶無睇錯, 係168蚊一隻, 好多朋友會見到而卻步既價錢, 但一嘗之後包你回味無窮, Creamy, 海水味不算濃但肉身非常肥厚, 一試難忘.
時不知鮭
鮭魚, 即是我們講既三文魚, 據店家宣傳上的形容, 係不知時間的鮭魚, 顧名思義即係唔知幾時先出現既三文魚, 在北海道沿岸先會有, 出現機率甚低, 呢種魚脂豐肉嫩, 香滑味濃, 真係可遇不可求.
時令飛機貨壽司下午套餐
這個會精選當天最好的食材做壽司套餐, 是這裡的招牌, 來棽莜不試這個套餐便是你的損失.
蛋包飯
鹽味拉麵
如果大家覺得唔夠飽, 亦可以試下這裡的飯和拉麵, 雖然不是這裡最好的出品, 但亦應該可以滿足大家的要求.
本人覺得刺身店講求貨源, 好的貨源當然會令到出品好, 壽司就更加要講求握功, 飯既溫度同軟硬度都要配合得相當好, 坊間很多店對以上既要求連合格都做不到, 所以本人極之推介棽莜, 兩年來仍然為客人提供高質素既出品, 還不時推出時令產品, 務求去滿足各種客人的需要, 值得一讚. 好,又講住咁多先,下期再見.
如果大家想同我分享美食. 可電郵或到手機看食物的facebook專頁
facebook專頁:在facebook內搜尋 “手機看食物”
作者: AC
