本人因事務繁忙,已有數個多月沒有和大家講下食物,為此在這裡講聲唔好意思。但小弟都無停落黎，繼續去找澳門既特色野食同大家分享。今日要介紹既係澳門好少有既“撈麵”, 大家可能會話周街都有啦，但日式撈麵：油拌麵，澳門就真係未見過。現在中午還有套餐，麵加小食仲有甜品，價錢只要$78，包大家有一個豐盛既午餐。
佑德燒匠
地址: 新口岸, 高美士街 230 號, 蘭桂坊酒店 3 樓
營業時間: 11:00-15:00 17:00 - 23:00
電話: 82912511
油拌麵 黑
呢個用黑蒜油拌的拉麵,口感非常好，用上粗身麵條，叉燒火喉剛好，大家記得一定要將生雞蛋拌勻黎食，否則不夠香滑。
櫻花油拌麵
呢個就係油拌麵配櫻花蝦，蝦仔香脆，雖無加入黑蒜，但依然香滑。
赤拉麵
如果不想食撈麵，可試下呢個赤拉麵，不是大家食開的濃豬骨湯風格, 但一樣香甜無比。呢個辣味又調配得岩岩好，好食!
黑拉麵
不想試辣的話,我推介呢個黑拉麵。黑蒜油配魚湯，清得黎又有油份，我的不二之選。
豚骨濃厚沾麵
最後想同大家介紹下呢個沾麵，粗身麵條配清香既沾麵湯，食完麵後記得叫服務員姐姐加番D豚骨湯落個湯到，飲埋先夠過癮呀。
薯蓉前菜,抹茶蛋糕同樣絕不馬虎。
今次真係環境好，品質又好既食店。如果大家晚上去，他們還有串燒，三五知己談天說地一樂也。今期又講住咁多先，下期再見。
如果大家想同我分享美食，可電郵或到手機看食物的facebook專頁。
電郵:
facebook專頁:
在facebook內搜尋 “手機看食物”
AC
