每屆世界盃都會採用新規矩，今屆亦唔例外。首先經過多時測試的視頻助理球證，英文簡寫（VAR）今屆決賽周正式啟用。目的係利用視像重播，將一些有爭議性及問題球，能夠得到正確判決。咁就慘啦，如果球證得閒無聊得滯，周不時話要翻睇視像，場波要打四個鐘都未打完。

    咁當然唔會啦，阿Ben其實想講畀大家聽，引用視頻重判，必要有四大守則：1.入球是否正式超越白界線。2.禁區內判罰12碼是否正確。3.球員犯規，是否直接出示紅牌罰離場。4.球證錯誤判決。

    雖然比賽連貫性受到一定影響，但肯定對兩支球隊都得到更加公平，的而且確，歷屆世界盃實在太多冤枉。

    跟住要講係增加換人人數，不過要去到淘汰賽階段的加時時間。九十分鐘內依然限換三名球員。當進入加時，每隊就可以再多一個換人名額，唔知大家明唔明我講咩？

    最後就要講今屆決賽周用球，認真巴閉，個名叫“電視之星18”，皮球內裝有晶片，可以與智能手機互動。嘩！厲害厲害!