阿根廷大敗克羅地亞腳下，真係睇到心酸，雖然賽前已經預測阿根廷沒有好結果，但估唔到會輸到如此慘淡，除表現勁差之外，球隊內部的確存在唔少問題。當然，克羅地亞的整體發揮確實令球迷稱讚，可以話技術性擊倒對手，阿根廷應該輸得心服口服。

    由於尼日利亞擊敗冰島，阿根廷仍有一線生機，最後一輪對尼日利亞將會係生死存亡一戰，美斯能否單天保至尊？大家拭目以待。

    講開生死戰，首戰玩出火的德國明晨將火拼瑞典，德軍存在唔少隱憂，特別球隊內訌問題，軍心受到一定影響，今場仲要許勝不許和，球員壓力唔少，發揮將成為勝負關鍵。

    瑞典今仗以穩守突擊為主，後防定必加強防守力度，而德國上場對住墨西哥的密集防線，似乎無所適從，破陣板斧唔多，今場要攻破瑞典後防仍有一定難度。另外，德國防線並非穩陣，計埋上場對墨西哥，已經連續五場有失球，一個唔覺意被瑞典突襲成功，德國可以收工。

推介：和波1 : 1