西班牙被視為今屆歐國盃奪標熱門之一，但阿Ben個人認為“紅牛幫”未有足夠實力。球隊目前正處於換血階段，前中後三線都加入新面孔，相信教練安歷基視今屆歐國盃目標只待磨練球員。

講返今場分組賽首仗對瑞典，牌面上的而且確高於對手，但睇返“紅牛幫”今年戰績，三場歐洲區外圍賽，踢和希臘之外，只擊敗格魯吉亞與科索沃兩支較弱球隊，而且只係贏一球起兩球止，殺傷力明顯已不及從前。

瑞典實力唔差，亦係國際大賽常客，陣中多名球員在歐洲五大聯賽搵食，所以並非一支“二打六”球隊。

初盤西班牙讓一球/球半，似乎過份睇高“紅牛幫”，兩隊最近一次交手在19年歐國盃，雙方踢成1:1平手，所以今仗必揀下盤瑞典。