西班牙第一場出閘脫腳，被瑞典守和0:0，未能打開勝利之門的原因好簡單，就係前線攻力未夠火喉，全場17次射門5中目標，好明顯欠缺一名把握力超強的殺手，摩拉達綽號“敗家仔”，對瑞典表現好少少，西班牙已經全取三分。

牌面上西班牙絕對高於波蘭至少半班波，但最重要都要睇臨場發揮以及埋門一腳，如不改善鋒力問題，相信恩里克都未必講今場波會贏硬。

波蘭上場因打少一人情況下不敵斯洛伐克，可以說咎由自取，中場主力基組維克仲要停賽，對球隊絕對不妙，今仗對住非要搶分不可的西班牙，波蘭的確“危危乎”，祇不過西班牙要硬讓球半，能否贏到兩球或以上亦係一個問題。不妨考慮受讓的波蘭。