今晚開始歐國盃踢最後一輪分組賽，所以兩場比賽同時間進行。

A組意大利已穩奪16強一席位，今場對威爾斯只要保持不敗就以頭名出線，以“藍軍”目前氣勢實在想輸都難，近10場國際賽全勝兼0封對手，總比數31:0，無論進攻與防守幾乎達至最高境界，如此強勢，球隊上下一心點會輕易畀對手打窒條氣，況且以整體實力上比較，威爾斯未夠班。

威爾斯只求一分，就可以穩住次名出線，對住強勢來襲的意大利，相信威爾斯第一策略就係以守代攻，一日未失守都未必同你“搏命”。

睇返威爾斯擊敗土耳其一戰，威爾斯球員的確值得一讚，無論戰意及爭勝決心都拼勁十足，贏波絕對合理。但經過兩場拼搏之後，陣中三名主力老將，能否繼續保持佳態，又係一個重點問題。

所以初盤意大利讓一球，都係推介“藍軍”繼續長勝。