歐國盃16強明晚展開第一場比賽，由威爾斯對丹麥，理論上屬於一場半斤八両之戰。睇返分組賽兩隊表現，個人較為睇好丹麥，第一場受到艾歴臣事件影響，丹麥發揮患得患失，第二場雖被比利時反勝，但表現強勢，特別上半場，輸波只係技不如人。最後一戰大炒俄羅斯，表現出頑強爭勝決心。

威爾斯在三場分組賽同樣有不俗表現，G巴利與艾朗藍斯兩名核心越踢越上力，的確對丹麥可造成一定威脅。祇不過兩隊踢法非常接近，丹麥較為硬橋硬馬，進攻埋門更為直接。另外，威爾斯整隊表現好與壞，重點要睇兩三名重心球員發揮如何？而丹麥整體性及球員質數相當平均，預料丹麥可以先拔頭籌，第一支進入八強球隊。