克羅地亞對西班牙十六強戰之前傳來不利消息，中後場兩名主力比列鍚與巴里鍚因感染新冠將會缺陣，唔多唔少受到一定影響，不過，以克羅地亞整體實力，依然有力挑戰“紅牛幫”。

西班牙在分組賽悶足兩場之後，最後一戰終於大爆發，以五球大炒斯洛伐克，但老實講句，一來對手實力有限，二來斯洛伐克第一球“烏龍波”後戰意盡失，“紅牛幫”實際發揮如何只係見仁見智。今場對手克羅地亞始終屬於一支具級數球隊，西班牙實在難言穩勝。

兩隊踢法極為相似，同樣以地面組織為主，控球能力相當強，而“格仔軍”更多一瓣高空優勢，極可能成為西班牙致命傷。

西班牙要取得主動權，必須要以快打慢，以體力戰壓迫克羅地亞，否則西班牙未必佔到任何甜頭。

初盤西班牙讓一球，我捧克羅地亞有力抗衡。