歐國盃聽晚重燃戰火，八路雄獅展開激鬥，由於法，德，葡三支頂頭大熱經已打道回府，今届盟主之位大變天，爭持將會更加激烈。

以目前形勢所見，比，意，西，英升格為四大熱門，不過，“”比意大戰”兩隊衹能活一隊，勝方四强仲要硬撼西班牙，又不過，西班牙贏到瑞士先講。英格蘭最著數，衹要在羅馬攪掂烏克蘭，返到四强就可以在自己地頭出戰，大好形勢下，話唔定有機會在“福地”温布萊球場捧盃。英格蘭暫時最有冠軍相，但唔代表一定攞到冠軍，因爲我也曾經去過長安著戲服影皇帝相，到現在都係“賤民”一名。