好快又到左開學既9月份， 亦都係歐洲四大聯賽正式展開新一輪球季既時候， 最令本人覺得意外既就係曼聯，竟然用1.5億去買人，換領隊，將成隊波換晒看似熟悉的球隊但現在已人面全非，諗落又無他既，上季成績太差，今季就梗係要大改，係呢度祝佢好運。
言歸正轉，歐洲聯賽開鑼，所以今期就想同大家分享一間主打歐洲式薄餅專門店，他的主店是賣美式的，兩間店主打唔同既野，夠晒特別以及滿足不同食客既需要。
Paddington House of Pancakes
地址: 柯傳善堂圍11號A地下(即白馬行澳門日報舊址側面條巷入)
營業時間: 12:00 – 10:30
電話: 28322943
布魯塞爾薄餅. MOP$56
呢個薄餅係法式做法，由蕎麥製造，夠晒健康。再配煙肉，洋蔥,，莫薩里拉芝士,，太陽蛋，焗豆，牛油果，有足夠層次感，味道可口。
尼斯薄餅. MOP$69
又係一種傳統法式薄餅，配雞肉，烤莫薩里拉芝士，煙肉，秀珍菇，鮮蝦，菠蘿。雞肉嫩滑，薄餅本身又十分煙韌, 配合得天衣無縫。
荷蘭甜薄餅. MOP$52
顧名思義，呢個就係荷蘭式製法，配炸香蕉，菠蘿，草莓，水蜜桃，葡萄乾，拖肥醬，肉桂糖，雪糕同忌廉。難得香蕉炸得香脆，所有水果都鮮味而不酸，好味道!
三藩市薄餅. MOP$56
食魚的朋友呢個就岩你地，一塊烤龍利柳配忌廉蘑菇汁，魚身夠滑又不鞋口，煎得又夠香口，不乾身， 抵讚!
俄國甜煎餅. MOP$52
呢款又係一款甜餅，配香蕉，香蕉醬，雪糕，最特別既就係加埋芝士同花生醬，口感很特別，本人十分推介。
莓莓夏日. MOP$32
草莓，覆盆子， 藍莓及黑加侖子。
熱情仲夏. MOP$32
百香果及甜橙
奇異冰涼.MOP$32
奇異果及薄荷葉乳酪波浪
石板街. MOP$34
朱古力，花生以及棉花糖
以上所有冰沙，全部用新鮮水果做，又不會太甜口，更不會食到有厚冰感覺.，但一飲又會覺得立刻有冰涼快感， 大家必要一試。
店內除左有薄餅同冰沙，還有其他特色食品，要留待讀者門去試試。提提大家，呢間係分店，主打歐式薄餅。如要約朋友時記得講清楚，白行就唔好啦。今期又講住咁多先，下期再見。
如果大家想同我分享美食，可電郵或到手機看食物的facebook專頁
facebook專頁： 在facebook內搜尋“手機看食物”
AC (逢星期四刊出)
