今早兩只“牙”真係嚇到班球迷“鼻哥窿都冇肉”，幾乎玩火自焚，尤其葡萄牙，C朗唔被趕出場認真好彩，完場前伊朗一腳攻門只射中網側，否則葡萄牙可以返去食“葡撻”。

    西班牙同樣險過剃頭，最終只能逼和摩洛哥2:2，兩隊波叫做大步檻過，睇下去到十六強“雙牙”又玩得乜嘢出樣。

    明晨重頭戲一定係阿根廷對尼日利亞，阿根廷一定要贏之外，仲要睇克羅地亞對冰島最後結果，垂死掙扎的阿根廷一定要搏到盡。

    當然，尼日尼亞並非善男信女，摸和出線機會都好大，不過，相信“非洲雄鷹”唔會死守，呢班波屬於力量速度型，平均個人技術質素唔差，絕對可以令阿根廷陷於苦戰。

    更值得一提，去年十一月中，兩隊曾經在中立場踢過一場友誼賽，結果尼日利亞大勝阿根廷4:2，今場壓力超重的阿根廷的確凍過水。

    推介：2 : 2