歐洲國家盃過兩日即將開戰，趁有時間同大家分析一下各組出線形勢。

A組四支球隊當中，相信大部份波友都較為睇好意大利，但唔好忘記，意大利近年在國際賽表現有明顯下滑跡象，能否穩佔出線一個席位，阿Ben感覺有一定懷疑，當然，爛船都有三斤釘，加上兼有主場之利，如果整體發揮唔太過走樣的話，分組賽應可坐亞望冠。拖腳方面，土耳其與瑞士應該會爭持相當激烈，個人較為睇好土耳其有望殺入16強，原因睇過外圍賽，土耳其兩回合對住法國比賽，土軍發揮出極強戰鬥能力，最終取得一勝一和不敗佳績，而陣中大半隊球員都在歐洲五大聯賽效力，整體實力實在不容忽視。

瑞士近年在國際賽戰績非常平穩，球隊最大優點在於各位置上相當平均，加上後備力十足，確有足夠能力爭取晉級。

分組賽最後一輪瑞士火拼土耳其，極可能係兩支球隊爭出線的生死之戰。

上屆歐國盃，威爾斯殺到入四強，的確令唔少球迷大跌眼鏡，不過，仍然依賴G巴利，艾朗藍斯，摩亞及基斯根達等幾位老將支撐大局，無論靱力與體能實在難以與五年前相比。

總括A組出線阿Ben睇好意大利，土耳其。