歐國盃B組形勢相當複雜，千奇唔好以為比利時可以一枝獨秀，因為丹麥，俄羅斯及芬蘭，都係硬骨頭。

比利時頭兩場就要作客俄羅斯與丹麥，踢作客始終對球隊發揮有一定影響。

冇錯，比利時在國際足協排名數一數二，陣中星級球員亦唔少，但兩支主場球隊踢出加一波情況下，比利時實在難言穩勝。俄羅斯整體實力唔算突出，但球隊以硬朗見稱，踢法機動加上體能上優勢，俄軍絕對有力爭取出線一席位。丹麥同樣有主場之利，首戰對住鄰國芬蘭應該有十足取勝把握，而對丹麥最有利之處，就係最後兩場對住比利時與俄羅斯都在自己地頭出擊，出線機會明顯相當有利。芬蘭足球水平，近年的確進步唔少，祇不過，對住歐洲列強，點計數都仍有一定差距，如果能夠殺入十六强，其實都係一個冷門。

預料B組出線球隊：丹麥+比利時。