手機看食物
其實越式既生牛肉河本人都極之喜歡，但澳門要找好食既又真係唔多，要在氹仔就更加難，最近無意中從友人得知有間相當不錯食越南河既地方，細心去一看，原來舖頭名就係叫”越南河”。”越南河”入面除了越式河粉外，還有很多越式食品都相當出色，本人試咗幾款介紹比大家。
越南河
地址: 氹仔地堡街245號至249號泉福新村第一期第五座嘉富閣S及T鋪
營業時間: 12:00 – 23:00
電話: 28825088
火車頭生牛肉河. MOP$68
生牛肉非常嫩口好食. 火車頭內裡配料極之豐富. 柏葉牛根煙韌又唔怕太淋.河粉爽口又唔怕易斷. 湯又夠晒味. 正!
蟹羔檬粉. MOP$65
蟹羔加番茄煮成的湯夠晒足料.扎肉又夠厚實彈牙. 蟹味充滿晒去D檬粉入面. 值得一試!
鴨肉湯河. MOP$50
鴨實肉但易離骨. 湯底用紅蘿蔔同薯仔去煮. 河粉滑身唔怕厚. 水準之作!
越式牛筋腩河. MOP$55
牛根腩不同廣東式的爽脆. 換來是軟滑的版本. 吸引度一樣無減. 還獨顯越式的風味.
越式炸蜆. MOP$55
呢個做法比較少見, 用脆漿炸蜆. 但本人又覺得非常特別. 蜆肉彈口再加上外面脆脆的. 兩種不同口感加埋更有層次.
越式水晶蔗蝦. MOP$45
蝦不怕霉且有蝦味. 水晶皮很易咬開. 用料夠晒新鮮.
外脆內熱. 一啖咬落去口裡就充滿晒成隻蟹的肉汁. 實在美味至極!
青檸檬梳打. MOP$20
最後黎一杯青檸檬梳打. 青檸檬無酸澀味. 透心涼!
越南河地點相當便利，鄰近氹仔街市，最緊要係有免費泊車，環境舒適，最適合一家大細假日坐車去食飯又唔想搵車位的朋友，食得開心之餘又唔使傷腦筋，仲有每個河粉都有汽水送，服務非常細心。今期又講住咁多先，下期再見。
如果大家想同我分享美食. 可電郵或到手機看食物的facebook專頁
facebook專頁： 在facebook內搜尋“手機看食物”
by AC(逢星期四刊出)
