睇下睇下，其實都介紹左幾多唔同風格既菜色比大家。今期想介紹一種都可以話近年先興起既菜色 -- 閩菜。閩菜是中國八大名菜之一，由福建、廈門等地方菜色組成。唔知係唔係澳門多左福建人，所以亦令到澳門的閩菜食店多左，由於福建同廈門都在沿海一帶，所以海鮮亦都係相當出色。
唔好講咁多，睇下今期要介紹既野食先。
福華閩台美食
地址: 筷子基宏昌大廈地下
營業時間:16:00 – 2:00
電話: 28227176
土筍凍，MOP$6(一件) 。
聽個名真係好難想像係咩食品，原來主要係由沙虫加醬汁雪凍成啫哩狀，外面就似啫哩，裡面就係彈牙既沙虫，用呢個做前菜，真係醒神又開胃。
牛肉羹，MOP$24。
全碗佈滿手打牛肉球，非常重牛味，羹就不似我們食開的，說其是湯可能比較適合，真係另有一番風味。
監焗聖子，MOP$55。
又同我地食開既蘇格蘭聖子有好大出入，呢款係細隻但十分厚肉肥美，一啖一隻易入口。
白灼小管，時價。
台灣人好喜歡去夜釣小管，其實亦都係魷魚既類別，新鮮加爽口既感覺，會令你一試難忘。
炸蚵餅，MOP$55。
煎既蚵仔可能食得多，但炸既原來又真係好鬼死香口鬆化。
炸蝦仔，MOP$55。
細細隻既炸蝦仔，連殼都食埋，實在係送啤酒的佳品。
烏雞湯，MOP$25。
來一碗用足料去煲的烏雞湯，滋補養顏。
鹹飯，MOP$12 (小) 、MOP$17(大) 。
咸飯是福建的傳統小吃， 一碗煮得甘香可口的咸飯，實在一試無妨。
炒麵線，MOP$28。
如還未夠喉的朋友，食埋呢個爽滑麵線，定必滿載而歸。
福華既食物品種真係非常之多，海鮮既貨色亦是澳門少有，同一班老友去宵夜傾計就最岩不過，今期又講住咁多先，下期再見。
如果大家想同我分享美食，可電郵或到手機看食物的facebook專頁。
facebook專頁:在facebook內搜尋 “手機看食物”
AC
