手機看食物
小弟其實對廣東麵食有一定偏好. 無他既, 一個人的時候食碗麵就係最佳醫肚既方法. 但大多數人一諗起既一定係雲吞, 水餃, 牛腩麵. 但我又覺得未必要次次都食得咁傳統. 有時要加D唔同既配料先夠新鮮感. 所以今次要同大家介紹下呢間比較特別既廣東麵食店.
雞佬江記美食
地址: 柯利維喇街25號地下
營業時間:18:00 – 4:30
電話: 28369322
法式蒜香蝦麵. MOP$35. (菜加$3)
雖然唔知係唔係真係法式. 但真係幾香. 蝦新鮮. 雞佬既麵底是屬於比較稔身, 細滑既種類. 麵撈得勻遁. 如加上特制辣汁. 就真係非常滋味.
越式香茅豬冧片麵. MOP$30. (菜加$3)
煎得十分香口的豬冧片, 雞佬既特色就係即叫即整. 可以熱辣辣地食到原有好味道
煎豆腐麵. MOP$22. (菜加$3)
呢個煎豆腐麵我最欣賞既就係豆腐真係好滑. 由如食豆腐花一樣.
花雕豬腩片麵. MOP$23.
細滑的豬腩片. 令你一試難忘.
中式多春魚麵. MOP$35.
外層好似酥炸咁. 多春魚有四條真係足料享受.
雞扒腸粉. MOP$33.
如食得麵多又可以轉下食腸粉, 話明雞佬就梗係要試下佢既雞啦. 雞扒肉厚好味唔鞋口. 呢個crossover 又真係幾特別.
特制辣汁. (免費)
呢個加左上個麵身到, 隨即令惹味程度提升幾倍. 箇中味道等讀者試後就會找到出黎.
泰式金不換牛肉麵. MOP$35.
金不換既獨有味道加上爽滑既牛肉. 祗睇圖片已有衝動想食晒佢.
今次既介紹真係咩料都有. 豬, 牛, 雞, 魚, 蝦. 材料夠晒豐富. 更有一D會岩讀者既口味. 今期又講住咁多先.下期再見.
如果大家想同我分享美食. 可電郵或到手機看食物的facebook專頁
facebook專頁:在facebook內搜尋 “手機看食物”
by AC