又到炎炎夏日，總係想食D透心涼的食品以解悶熱天氣，甜品總是離不開日常生活，在繁忙生活中，一點點的甜足以令到心情都靚D，連帶做野都快D，所以甜品加凍品就是今次主題。
聰少甜品
地址: 澳門大街/營地大街114號德寶大廈地下CO座
營業時間: 13:00 – 22:00
電話: 28389007
花心小冰
小弟一打開個餐牌和睇到隔離枱的實物，即時嘩一聲，因為呢度主打的冰實在巨大同份量十足，兩個人如果食兩個會唔會食得晒？跟住比我在餐牌內發現呢個乜味都有齊而且又比單點小份量的花心小冰，真係啱晒我花心的性格。一試之下，冰的質感非常之好，因為之前品嘗過的冰類食品總會有刮口感覺，呢個出奇地滑，有食雪糕感覺，配搭的生果又不會有味度過濃像加了糖精般搶喉，淡淡幽香，值得一試。
蜜瓜豆花
如果叫豆花，聰少做法又幾高明，會在豆花上加上雪花冰，形成一比一的比例，兩種感覺混合，得到一加一大於二的口感，好正。
楊枝金露
呢個甜品係列入餐牌的珠珠類，佢的珠珠同其他舖頭的西米有所分別，好細粒，一口咬落去的感覺如日本蟹子般，細細粒卜卜脆之餘又不會佔去糖水空間，順滑入喉。
近幾年間澳門多左一些過江龍的特許經營店加盟，聰少是其中一個例子。身為香港新派甜品品牌，將以往為人所熟識的甜品加以改良同重新包裝，確實係下了不少苦工，希望各位讀者也會用心去品嘗聰少的各款甜品。好，又講住咁多先，下期再見。
如果大家想同我分享美食，可電郵或到手機看食物的facebook專頁
facebook專頁:在facebook內搜尋 “手機看食物”
作者: AC
