頭兩場十六強大戰認真精彩刺激，相信唔少球迷睇到咬牙切齒兼如癡如醉，可惜兩位天王巨星都要齊齊執包袱。但講真，法國與烏拉圭的表現，確值得再進一級，而兩位球王忍著淚“goodbey”，傷盡唔少球迷心。

    今晚輪到群星雲集的西班牙對住有地頭之利的俄羅斯，“牛迷”應該會有排緊張。西班牙三場分組賽都踢出風格，基本能夠控制場上節奏，不過侵略性欠缺銳利，破密集式防守似乎未有十足把握。防守方面，三場比賽失五球，放線有一定隱憂，對住穩守突擊的俄羅斯，都未話唔驚，九十分鐘內未必可穩勝對手。

    另一場克羅地亞隊丹麥，“格仔兵”在分組賽表現有目共睹，小弟經已表態捧克羅地亞有機會奪冠。丹麥踢法屬亂衝亂撞型，無論整體結構，攻守兩端都係抗衡力不足，睇好克羅地亞可以順利過關。

    推介：西班牙1:1俄羅斯    克羅地亞 2 : 0