走的終須走，傷的總傷透，繼阿根廷與葡萄牙後，又一支熱門強隊西班牙要返歸，到底西班牙又衰咩？毫無疑問衰在破門乏力，欠缺進攻速率及侵略性不足，連擺定射十二碼都輸埋畀俄羅斯，夠鐘收工無話可說。

    列強紛紛下馬，巴西更加變為頂頭大熱，今晚對住墨西哥，森巴兵團都要醒醒定定。論波路，巴西至少高出半班波，講要破密集，巴西瓣數比較多，有小組入滲，個人突破，遠程炮，甚至死球攻門，都係入波本錢，衹要球隊踢出贏波決心，墨西哥難以偷雞。

    尾場比利時對日本，睇落去比利時勝算極高，皆因個人技術級數，歐洲紅魔無疑在日本球員之上，但講到拼勁與鬥志，日本並不輸蝕。更值得一讚，日本的控球能力相當強，三場分組賽，控球比率都勝於對手，預料比利時未必能佔到太大優勢，估計比利時衹能小勝對手。

    推介：巴西 2 : 0  比利時 1: 0