歐國盃明晨，上演超級大戰，两支冠軍級球隊德國與法國將會正面交鋒。

德國係阿Ben今屆歐國盃心目中首選大熱，雖然近一兩年戰績差強人意，最主要原因球隊處於新舊交替時期，經過一段時間磨合後係時候發圍。

德軍前線侵略性極強，且組織滲入威脅性十足，係球隊最煞食之處。法國當然亦非泛泛之輩，陣中粒粒皆星，前線有賓森馬，麥巴比及基士文等重量級殺手，攻擊力同樣鋒利無比，相信今仗屬於一場入球大戰。

初盤開出平手，證明雙方實力屬於勢均力敵之戰，而佔有主場之利的德國，可以稍為睇高些少。