到底邊隊能夠與意大利爭奪今屆歐洲盟主？相信大部分球迷都捧英格蘭可以過關，冇錯，英軍不但止有天時地利人和，且整體實力及球員個人質素都比起丹麥稍為佔優，大炒烏克蘭後又勢如破竹，絕對可以睇高些少，祇不過，比賽係逐場計數，其實睇雙方踢法格局，英格蘭未必食硬丹麥，都要睇臨場佈局。丹麥並非弱不禁風，球隊每個位置都相當平均，更著重於整體性踢法，反攻能力及埋門一腳有一定把握性，最記得對比利時一仗，丹麥更有頑強拼勁，出線之後三場淘汰賽攻入十球只失兩球，越戰越勇兼士氣如虹，受讓的丹麥值得考慮。